ياسمين عز :الست اللي بتغيير من السكرتيرة دي كويسة وبتساعد جوزك في الشغل
ياسمين عز السكرتيرة للزوجة مش وحشة وبتساعد جوزك في الشغل
كتبت /صافي رضوان
قالت الإعلامية ياسمين عز، إن «الراجل ومراته اللي بيشتغلوا في نفس المكان بيكون النكد الأكبر على الراجل».
وتابعت في برنامجها «كلام الناس» الذي يُعرض عبر قناة أم بي سي مصر، الخميس: «الراجل مش بيعرف ياخد راحته في البيت وكمان في الشغل ولو سمع كلامها في الشغل صحابه هيقولوا أنه خايف منها، ولو زعقلها هيقولوا ده لما يروح هيتنكد عليه».
وأضافت: «الدراما وصلت للستات أن السكرتيرة شخصية وحشه ولازم جوزك يكون بيخونك معاها، وده مش صح دي بتكون شخصية كويسه جدًا وبتساعد جوزك في الشغل في حاجات كتير».
وتابع :«لو الراجل عامل مراته حلوة في الشكل الكل يبص له في الشغل، ويقول اشمعنا، ولو تعامل الزوج مع زوجته التي هي زميلته بطريق غير لطيفة، يقول الجميع، دي شكلها مطلعة عينة ومنكدة عليه وبيعاقبها».
وتابعت ياسمين :«لو الزوج تعامل مع زميلة له وكانت زوجته معها، تقول الزوجة: «طبعا بتدلع وبتجامل بره، وشكلك مش في الصورة».
وتابعت: «سيبي الراجل يفك عن نفسه شوية، مفيهاش حاجة لما الراجل يقعد مع زميلته في الشغل ويأكلوا سوا سبيه يفك عن نفسه ميبقاش نكد في البيت وفي الشغل».
