ولية أمر لوزير التعليم. رفعت شكوتي لرب العباد والتظلم هقدموا لي
ولية أمر لوزير التعليم. رفعت شكوتي لرب العباد
كتب /أحمد رمضان
بدأ اليوم طلاب الثانوية العامة المتشككين من نتيجة الثانوية العامة تسجيل بياناتهم علي الرابط الإلكتروني الذي أعلنت عنه الوزارة لتقديم طلبات التظلم
وأكد الدكتور طارق شوقي وزير التربية والتعليم والتعليم الفني في تصريح له ان هذا الإجراء ليس له فائدة لان التصحيح تم بعناية ودقة دون تدخل العنصر البشري وأعلنت وزراة التربية والتعليم والتعليم الفني عن قيمة رسوم التظلم علي المادة الواحدة وهو 300 جنيه
وانتشر علي مواقع التواصل الاجتماعي رسالة لولية أمر طالبة ثانوية عامة كتبت فيها التالي
ان ولية أمر الطالبة ش. خ.. بنتي عملت اللي عليها وذاكرت وتعبت وانا رفعت شكوتي لرب العباد وعند الله تجتمع الخصوم
انا مريضة سرطان وبنتي طالبة الثانوية العامة هي الابنة الكبرى لي ومسؤولة عني مسؤولية كاملة وهي اللي كانت شايلة البيت كله. وكانت دايما تقولي نفسي اطلع دكتورة عشان اقدر اعالجك انتي واللي زيك يا ماما حلمي اني ميبقاش في حد مريض
بنتي ذاكرت كتير اوي وكانت بعد كل امتحان تيجي تقولي انا مش عارفة عملت ايه واللي عملته صح ولا غلط المدرسين نفسهم مش عارفين الإجابة الصح ومختلفين عليها
وانا كنت بقولها اعملي اللي عليكي والباقي علي ربنا متخافيش
ويوم إعلان النتيجة بنتي انهارت. كل أحلامها ضاعت وكل أملها في الحياة انتهي
مش بنتي بس اللي وراها حكاية توجع القلب. كل بيت كان في طالب ثانوية عامة عاش سنة بالكامل في أعصاب مشدودة بجانب تكاليف باهظة مش كل أسرة تقدر تتحملها
حتي التظلم الوزير قفلوا في وشنا وقول انصحكم محدش ينظلم
بس انا بقولو الشكوى لرب العباد وعند الله تجتمع الخصوم
