ولية أمر تستغيث "ابني بيلعب ألعاب خطيرة على الموبايل"

كتبت/سعاد حسن 

تداول رواد التواصل الإجتماعي منشور لأحدي أولياء الأمور تستغيث فيه من كارثة تواجهها من ابنها صاحب الـ 17 سنة 

وذكرت في منشورها أنها اكتشفت أن ابنها يلعب ألعاب خطيرة على الهاتف المحمول الخاص بها 

ياجماعه انا في كارثه بالله عليكم قولولي اعمل ايه ابني 17 سنه اكتشفت بالصدفه انه بيلعب لعبه الكترونية خطيره علي الموبايل بتطلب منه انه يقتل ويسرق ويعمل حاجات صعبه جدا شوفت الموبايل بالصدفه وكانوا عاوزين الولد يجيب حيوان من اختياره يعني مثل قطه او كلب او اي حيوان عموما ويعذبه ادام الكاميرا ويقتله وبعد قتل الحيوان دا يفتح بطنه ويخرج اعضائه وكل دا يحصل والكاميرا مفتوحه وانه يسرق حاجه مهمه او غاليه من البيت ويحطها عند حد من قرايبه وهكذا طلبات زي كدا انا بموت من وقت ما عرفت ومش عارفه اتصرف ازاي الولد بيضيع مني خايفه الموضوع يتطور ويوصل لقتل الاشخاص والبني ادمين وطلبات تانيه ماينفعش احكيها في جروب عام حاجات عيب وحرام الولد سلوكه اتغيير وبقي عنيف جدا علي غير طبيعته وطول الوقت قافل علي نفسه باب اوضته وقاعد لوحده حتي الاكل بياكل لوحده ولوخرج من الاوضه بيخرج علي الشارع وبيفضل برا باليوم و الاتنين ولما يرجع يدخل الاوضه ويقفل علي نفسه واكلمه مايردش عليا مابقاش بيكلمني ولابيخرج من الاوضه مابقتش بشوفه ولما بضغط عليه عشان يعد ويكلمني وافهم منه ايه اللي حصله وغيره كدا بعد ما كنا طول عمرنا اصحاب ومالناش غير بعض يزعق و يهددني انه هيسبلي البيت ويمشي انا عمري كله ضاع عليه  انا بموت وما بنمش اعمل ايه بالله عليكم انا شوفت التليفون بصدفه وما قولتلوش اني عرفت حاجه وما حدش يقولي قولي لباباه لان ولده متوفي وانا ما عنديش اخوات رجاله وماليش في الدنيا انا وهو غير ربنا سبحانه وتعالى اعمل ايه يا اخواتي حد يقولي ماقدرش اخد منه التليفون لانه ممكن ينفذ تهديده و يمشي ويسبني ويعيش لوحده خايفه اوجهه وخايفه اخد التليفون مش هيرضي يديني التليفون اصلا وممكن يسبني بجد ما كنتش اعرف ان السبب في تغيير تصرفاته دخوله في حاجه زي دي لو حد يعرف يقولي علي طريقه افتح بيها الباسورد بتاع موبايله وهو نايم واشوف هو بيعمل ايه عشان لو في حاجه اقدر الحقها او حد يقولي علي اسم برنامج للرقابه الابويه اقدر اراقب بيها موبايله واعرف تصرفاته واللي بيعمله يبقي انقذ عيل يتيم ورحمني انا كمان من اللي ممكن يحصل لابني بالله عليكم انا زي اختكم انا ماليش حد في الدنيا ومافيش حد يقف جانبي في مصيبه زي دي او قولولي اعمل ايه بظبط هموت والله ومش عارفه اتصرف 
واسفه علي الاطاله
 
بالله عليك بالله عليك ياادمن اقبل بسرعه