وفاة طبيب القلب الشاب أحمد ماهر بعد إجراء عملية قلب لأحد المرضي

لم يكن يعلم الطبيب الشاب أحمد ماهر أن العملية التي يقوم باجراؤها لأحد المرضي والتي استمرت خمسة ساعات هى الرحلة الأخيرة له في مسيرته الطبية 

حالة من الحزن الشديد سادت بين الأطباء بمعهد ناصر بعد وفاة الدكتور  أحمد ماهر عقب خروجه من غرفة العمليات لأداء عملية قلب مفتوح لأحد المرضي استمرت خمسة ساعات 

وكتب أحد زملاؤه على صفحته الشخصية بموقع التواصل الاجتماعي فيس بوك

سبحان الله فضلت واقف على رجليك خمس ساعات وعملت العملية بمهارة وكنت بتطمن علينا كلنا في العملية سبحان من له الدوام اللهم اجرنا في مصيبتنا 

وكتب طبيب آخر :

لا اله الا الله وانا لله وانا اليه راجعون 

اللهم اجرنا في مصيبتنا يارب 

زميلي وحبيبي دكتور احمد ماهر دكتور جراحه القلب توفاه الله في النباطشيه بتوقف مفاجئ ف عضله القلب 

قبلها بربع ساعه بالظبط كان واقف معايا بعد ما خلص حاله في الليسته بقاله ٥ ساعات شغال فيها ...وكلمني ابص على حاله في الرعايه بسرعه عشان كانت كويسه ومره واحده مبقاش فيها ضغط 

اول ما دخلت سألني ع رجلي واتطمن عليا وبعد ما بصيت عالحاله ..قعدنا هزرنا ودردشنا شويه 

وقالي هستاذنك عشان مرهق هغسل وشي 

بعدها بشويه لقيتهم بيندهولي عشان احمد قلبه توقف ..ومات !! 

للاسف اشتغلنا عليه ومرجعش ولا مره 

ربنا يرحمك يا صحبي...ويسكنك فسيح جناته وتكون دي أسعد لياليك فالجنه يارب 

انا مش مصدق اني بكتب البوست عن واحد كان لسه واقف معايا حالا 

اللهم ارزقنا حسن الخاتمه و نجنا من موت الفجاه