نهى العمروسي عن رفض يوسف الشريف للتلامس في الفن: مش محترف وشوفلك شغلانة تانية

كتبت /صافي رضوان

علقت الفنانة نهى العمروسي على تحريم بعض الفنانين والفنانات للفن بعد اعتزالهم، أو رفض التلامس والقبلات في السياق الدرامي.

وقالت نهى العمروسي خلال لقائها مع الإعلامية أميرة بدر ببرنامجها “Vip” المذاع على شاشة “هي”:بشوف الناس دي مش محترفين، ميفنعش أدخل على ابويا وانا راجعة من السفر مايحضنيش اللي بيمثل دوري ابويا، ماينفعش اكون قاعدة في البيت بالأشرب، المحجابين مبيقعدوش في البيت بالأشرب، مينفعش واحده بتعمل دور اختي في مشهد محضنهاش مينفعش احنا بنمثل.

واستكملت نهى العمروسي: مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، انما ممنوع اللمس طب أنتي بتمثلي ليه؟.

وتابعت نهى العمروسي: يوسف الشريف بيرفض التلامس، هو حر وانا لازم احترمه بس انا حره أني اقول لا أنه مش محترف وده مش فن، مينفعش انت تحطلي شروط وأنت شايف ان ده حرام متلعبهاش خالص لكن انت راضي انك تشتغل الشغلانه دي تشتغلها بمصداقيه أو تشوف شغلانه تانية.

وكشفت نهى العمروسي موقف جمعها بالفنانة فاتن حمامة في مسلسل ضمير أبلة حكمت: أنا لبسي كان شيك شوية عن الدور اللي بعمله كنت بعمل مدرسة العاب وهي كانت عايزه لبس ابسط وده في مسلسل ابلة حكمة، وهي محترمة جدا ورايقة وواخده بالها من كل حاجة، والمفروض ان في ناس تبقى واخده بالها من الحاجات دي مش فاتن حمامة أنما هي واخده بالها من كل كبيرة وصغيرة.

‎ برنامج vip يعرض على شاشة "هي"  يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.  https://www.facebook.com/amirabadrofficial/vid

eos/891054218672559