نجوي إبراهيم تعلن تعافيها من مرض السرطان "جت من عند ربنا"
نجوى إبراهيم تعلن تعافبها من السرطان
كتبت/سعاد حسن
أعلنت الإعلامية نجوى إبراهيم، الشهيرة بـ ماما نجوى، تعافيها من إصابتها بالسرطان، معلقة: جات كده من عند ربنا.
وقالت نجوى إبراهيم، خلال تقديمها برنامجها بيت العز، المذاع عبر إذاعة نجوم FM: فرحانة ومبسوطة الحمدلله بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهارده لسة وجه جديد معاكم.
وتابعت نجوى إبراهيم: أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد.
وعلى جانب آخر، أكدت نجوي إبراهيم أنها دخلت في حالة انهيار بسبب الدعوات التي وصلت لها بعد تصريحاتها عن إصابتها بالسرطان، حيث قالت خلال البرنامج الإذاعي بيت العز: حسيت إني غلطت جدًا لما اتكلمت وكلامي مكنش شكوى ولما روحت قعدت يومين أعيط من الدعوات اللي وصلتني، ده أنا لو هيقطعوا إيدي متهيالي مش هتقطع من كتر الدعوات فعلًا رب ضارة نافعة.
