مصرع شاب قبل زفافه بشهر وخطيبته تنعيه بكلمات مؤثرة علي صفحتها الشخصية

كتبت /صافي رضوان

شهدت محافظة الشرقية حالة من الحزن علي وفاة أحد أبنائها قبل موعد زفافه بشهر الذي توفي إثر حادث أليم 

وفي كلمات مؤثرة توجع القلوب نعته خطيبته أميرة عاطف علي صفحتها الشخصية بموقع التواصل الاجتماعي فيس بوك قائلة 

اخر صور اتصورناها ياحبيبى واحنا بنحجز الفستان والميكب وحاجه فرحنا اللى بعد شهر كنت قاعد معايا طول الليل مش راضى تمشى وانا خايفه عليك من الليل وتقولى يلا تعالى معايا اقولك هانت كلها ايام قاعدين طول الليل نختار اغانى فرحنا ومبسوطه وانا بختار كل حاجه معاك زى ما اختارتك يا اول واحسن اختيار فى حياتى ياوجع قلبى وكسره ضهرى بعدك يانور عيني محستش بالأمان والحنين والحب من حد غيرك كنت احن عليا من اهلى والله دا انا كنت بشتكيلك منهم لو حد زعلنى كنت تقعد طول الليل متعرفش تنام عشان تجبر بخاطرى مين هيصحينى كل يوم ويبعتلى رسايل تانى وتقولى اصحى بقا وحشتيني وتقولى اول ما بشوفك شوفتى الرساله بترد فيا الروح اروح بيتك النهارده من غيرك وادخل اوضتك الاقيك مجهزلى هديه عيد ميلادى ع سريرك كنت هقولك انك احسن هديه السنادى والله وربنا عوضنى بيك عن الدنيا كلها 
الليل مش راضى يعدى من غيرك وانا بكلمك كان الوقت بيعدى فى ثانيه  اللهم لا اعتراض يارب 
يارب صبرك يارب ويصبر قلب اهله اللى ملهمش غيره يارب 
يارب طبطب على قلبى يارب 
اللهم ارحمه واغفر له واجعل قبره روضة من رياض الجنه يارب العالمين 

عريس فى الجنه ياحته من قلبى