مؤلف أغنية يوم تلات للهضبة يكشف عن مفاجأة بعد عامين من طرح الأغنية
مفاجأة في اغنية يوم تلات للهضبة
كتبت /صافي رضوان
كشف الشاعر الغنائي تامر حسين تفاصيل جديدة عن أشهر أغنياته للهضبة عمرو دياب، موضحًا أن الكوبليه الأخير من أغنية يوم تلات محذوف، والذي يشير بدوره إلى أن ما يمر به صاحب الأغنية حلم وليس حقيقة.
وأضاف حسين، خلال حواره مع الإعلامية منى الشاذلي في برنامج معكم منى الشاذلي على قناة cbc، أن الجزء المحذوف يوضح أن القصة فانتازيا، قائلا: في معلومة بقولهالكم لأول مرة إن الأغنية دي آخرها حلم، واحد كان بيحلم، في فانتازيا، يعني مكنش من الطبيعي حد يقابل 3 بنات مرة والتلاتة يرحبوا بيه ويعزموه.. فكان في كوبليه محذوف في النهاية.
وبسؤاله عن الجزء المحذوف، قدّمه تامر حسين لأول مرة، والذي جاء نصه: ليه يا نوم صحيت ده يوم على كيفي.. ده حلم كان جميل كسرت مجاديفي.. لو حكيت للناس هيقولوا ده خياله.. هيقولوا لي دي قصة تأليفي
على صعيد آخر، أشار تامر حسين إلى أنه كتب أغنية قدام مرايتها لابنته ليان، بينما أغنية يتعلموا لابنه مالك، قائلا: قدام مرايتها دي بنتي ليان، لأن أنا شخص مليش خلق أقف استنى حد، ليان نيجي خارجين وإحنا ع الباب تقولي أنا عايزه اغير الفستان فتغير وتقيس كتير وتقولي ده أحسن ولا ده.. وقتها كان عمرها 4 سنين.. ومالك وقتها كان لسه مولود وبشوش فعملت له اللي عنده ضحكة زي دي.
