"كنت بدعي عليهم" سيدة تكشف سبب وفاة أبنائها الأربعة في حادث مأساوي
كتبت/سعاد حسن
أعاد بعض النشطاء على مواقع التواصل الإجتماعي حلقة من برنامج مع الناس الذي يقدمه الإعلامي الكبير عمرو الليثى
وكانت الحلقة تتحدث عن مأساة أم فقدت أبنائها الأربعة في حادث حريق منزلهم ،وصرحت وقتها الأم أنها هى المتسببة في وفاة أبنائها لأنها كانت تدعي عليهم طيلة الوقت
وجاء نص تصريحاتها كالتالي :
- ست ناديه هو اي اللي حصل لأولادك الأربعة مـاتوا ازاي وليه بتقولي مــاتوا عشان كنتي بتدعي عليهم ؟
= كان في شعله صغيرة كده عندنا وفي حد ساكن معانا في البيت لقينها بيقول في ريحه غاز عندكوا فجأة النار بقت في كل حتة وحـرقت عيالي الأربعة
- كان عندهم كام سنه ؟
= سيد كان في أولي ثانوي وهدي كانت في تالته أعدادي وإيمان كانت في أولي اعدادي وهند كانت في رابعه ابتدائي
- أنتي بتقولي أنهم مـ ـاتوا بسبب انك كنتي بتدعي عليهم كنتي بتدعي عليهم ليه قولتي اي ؟
= كانوا بيضربوا بعض كانوا أشقيا كنت بقولهم تطلعوا في خشبة واحده انتو الأربعة وربنا حقق الكلام مكنتش اعرف ان ربنا هيقبل الكلمتين دول ودلوقتي انا قاعدة تحت رجليهم في الحوش اللي هما فيه بشوفهم وبيجولي بياكلوني ويشربوني ومهيصين معايا في الحوش
- يعني قاعدة في الحوش اللي هما أندفنوا فيه بس انا عايز اعرف أنتي دعيتي عليهم ليه ؟
= كانوا أشقيا وبيتعبوني قولتلهم يارب تطلعوا في خشبة واحده أنتو الأربعة بس حقق ربنا مني وانا معرفش كان باب السما مفتوح وانا معرفش
- قال رسول الله صلى الله عليه وسلم " لا تدعوا على أنفسكم ، ولا تدعوا على أولادكم ، ولا تدعوا على خدمكم ، ولا تدعوا على أموالكم ، لا تُوافقوا من الله تعالى ساعة نيل فيها عطاء فيستجيب لكم "
= طيب منا مكنتش عارفه ان ربنا هيقبل مني الدعوتين يعني انا كنت عارفه أن ربنا هيقبل مني ودعيت لا مكنتش عارفه والذنب بتاعهم اهو انا عايشه معاهم وبضنفلهم الحوش بتاعهم وارشه ميه وأحط ميه للعصافير ومخليها زي الجنة
- بس ده قدر ربنا متحمليش نفسك اكتر من طاقتها
= ما خلاص بقي مفيش حد أدعي عليه أدعي علي نفسي عشان أتحط معاهم بس بدعي علي نفسي إني أستريح وأنام معاهم ده اللي بطلبه من ربنا عشان أنا مش مستريحه من غيرهم
ألف رحمه تنزل عليهم وفي الجنه يتهنوا
