فريدة سيف النصر تدافع عن مها أحمد "في مذيعات حاطين مها في دماغهم
كتبت/سعاد حسن
ما زالت تصريحات الفنانة مها أحمد التى صرحت بها في فيديو مباشر على الـ تيك توك تحتل حديث مواقع التواصل الاجتماعى ، خاصتا بعد أن أصبحت تصريحات مها أحمد محل انتقاد عدد من الفنانين والإعلاميين
وعلي عكس الجميع وقفت الفنانة فريدة سيف النصر تدافع عن مها أحمد وعن تصريحاتها ،وكتبت عبر صفحتها الشخصية الرسمية بموقع التواصل الإجتماعي فيس بوك:
مها حراقه تعباكم.
ارفعوا ايديكم وعينيكم عن مها القمر الطيبه المحترمه..بجد
حاجه تنرفز بجد..ومن غير ماهاذكر اسماء..بعض المذيعات مع احترامي للجميع..حاطين مها أحمد في دماغهم..اصلا مالكم ومالها ..تعمل تيك توك تتخانق تتكلم براحتها السوشيال ميديا مليانه بلاوي وأغلبها احنا السبب فيها مركزين معاها ليه دي توصيه بقي... ماأنتم بتعملوا كل حاجه.ده لبسكم وماكياجكم ولا اي ممثله وفي اللي بيمثل الله ماتنقدوا زمايلكم...أنا عن نفسي كا ممثله زيها مش مضايقاني زيكم ده نجمات وعالتيك توك رجاله ستات مذيعات دكاتره شعب كله كله اشمعني هي تعباكم ماتتكلم براحتها مانتم بتتكلموا عليها مين اداكم الحق اصلا ...عارفين ليه لأنها محترمه وعائلتها محترمه وكل واحد ادري بظروفه..انتم مالكم انتم مالكم ماتتفرجوش سيبوها للي بيحبوها وبيتفرجوا وكتير.. لكن علشان واحده مذيعه تناشد المستشار تركي الشيخ يشغلها اسفين معاليك لذكر اسمك...وعيب عليكي تدخلي الراجل المحترم في النص انتي كمان ممكن نقول عليكي بتتمحكي فيه ولا ايه الله اكبر انتي بتشحتي عليها..عيب ماتعقلوا الكلام اللي بيطلع من بوءكم ولا كل واحده قدامها كاميرا وميكروفون تطيح في خلق الله..وهو سيادتك لو خاطبتي منتجينا وقنواتنا المحترمه هايقولوا لأه واصلا تتدخلي ليه تطلبي لها ليه..ماكله عالتيك توك كلهم ؟مها تعباكم في ايه.. لموا ألسنتكم عنها..لمعرفتي بيها الجيده يشرفني ادافع عن ست سمعتها الماظ..ربنا بخلليلها جوزها المحترم واولادها ويجعل ظروفها في ميزان حسناتها..شوفوا لكم حاجه تانيه تعملوها علشان برامجكم تتشاف و ولا يهمني بقي يبعتوا دي بتحبني ودي معجبه..اللي مايحترمش ظروف زملائي أنا مايهمنيش يكون من معجبيني خالص . أنا جمهوري الناس التعبانه الشقيانه اللي بتحس بغيرها اللي بتحب الحق اللي بيشتغلوا في الفاعل علشان عيالهم ومااكثرهم وهما اغلبيه.ودوول اللي يوافقوني..الناس تعبانه واي حاجه تجيب مصروف عيالهم بشرف بيعملوها ايييييييه شوفتوها قلعت بلبوص وبتتصور من جميع الاتجاهات شوفتوها نزلت كباريهات....اركنوا في حته ولا اقول لكم تقدروا تتكلموا عن الللوكات والهدوم اللي مش موجوده اصلا مش ملبوسه وصور الممثلات اللي في كل المواقع علي عينك يا تاجر..كان نفسي نعرض شغل قوي مش ..شلحني تجدني طبعا ماتقدروش عندهم فلوس والللوك بيتكلف نقدا اللي تقعد مها تطلعه في سنه تيك توك اتلموا .عالاقل مها ماعملتش كده ولا هاتعمل.. ارحمونا وارحموها وارحموا نفسكم من الغيره بتحرق القلوب وتسود الوجوه لكن مها وشها منور من قلبها اللي تعب من الحياه ومنكم بدل ماتطبطيوا عليها بتجلدوها طيب علي الله حد يتكلم عليها تاني..اتقوا الله في بعض...يكون احسن للجميع ..
