فتحي عبد الوهاب: ياسمين عبد العزيز طفلة ووجودها في حياتي مكسب
كتبت/سعاد حسن
تحدث الفنان فتحي عبد الوهاب عن الفنانة ياسمين عبد العزيز والتي سبق وتعاون معها في أعمال مثل "فرحان ملازم آدم" و"لآخر نفس".
وقال فتحي عبد الوهاب في لقاء مع "Gossips": "ياسمين عبد العزيز هي أكتر طفلة موجودة وكملت لغاية دلوقتي هي طفلة بكل معنى الطفولة اللي ممكن نتخيله، شخص جميل
ولما يكون في دايرة أصحابك تحس أنك كسبان كتير".
وتابع فتحي عبد الوهاب حديثه عن ياسمين عبد العزيز: "ممكن نقعد سنة سنتين منتقابلش لكن لما نشوف بعض كأننا كنا امبارح سوا، ودا قليل جدا".
وخلال اللقاء تذكر فتحي عبد الوهاب تعاونه مع الفنان عبلة كامل في مسلسل "ريا وسكينة" وقال: "أول مرة اشتغلت مع عبلة كامل كان بالصدفة فيمسلسل "ريا وسكينة" أنا جيت بسبب أن خالد صالح دخل عمل عملية ومكنش ينفع يصور وهما كانوا بيعرضوا على الهواء وأنا كنت بصور مسلسلي وكان لسه مش هيتعرضفوقفت يوم ورحت أصور ودي كانت أول مرة أتعامل معاها
وتابع فتحي عبد الوهاب: "أستاذة عبلة كامل بتتحول في التصوير وكانت أول مرة في حياتي أخاف فعلا خوف حقيقي قدام الكاميرا لأني مكنتش فاهم هو دا تمثيل ولا هي دخلت في نوبة، دا كان في مشهد
التحقيق بعد ما بنتها اعترفت في حاجة حصلت كده مرعبة هي موهبتها جبارة، ولولا إني ثباتي الانفعالي لا بأس به كان المشهد هيبوظ".
