غلق مدرسة خاصة بالشرقية يحرم الطلاب من الدراسة هذا العام
كتب/أحمد رمضان
شهدت محافظة الشرقية واقعة مأساوية حيث تم غلق أحدي مدرسة المنصور الخاصة بإدارة فاقوس التعليمية بسبب خلاف وقع بين أصحاب المدرسة ادي إلي فض الشراكة بينهم
. وتم غلق المدرسة وسط العام الدراسي.. المدرسة بها ١٢٠٠ طالب في جميع المراحل التعليمية.. الطلبة في البيت منذ بداية الترم التاني وإلى اليوم.. لا دراسة ولا امتحانات.. محافظ الشرقية قرر تشكيل لجنة لإدارة المدرسة بعيد عن أصحابها.. واللجنة فشلت فشل ذريع.. الأهالي مش لاقيين حل.. المحافظ مش لاقي حل.. مديرية التربية والتعليم مش عارفة تحل.. الطلبة في البيت.. المفروض فيه امتحانات شهر فبراير مش هيعرفوا يمتحنوا..
وعلق أحد أولياء الأمور قائلا
مدرسة تتفتح غصب عن أي حد.. المفروض المحافظة تبلغ الأمن لحماية اللجنة المسئولة عن إدارة المدرسة والطلبة تنزل وتحضر زي أي طالب في مدرسة على أرض مصر لكن ده مش حاصل.. أنا متابع مع أولياء الأمور من فترة لكن المشكلة بتتعقد.. مصاريف دفعوا.. شكاوى قدموا.. وفي الآخر ولادهم في الشارع.. هل ده يرضي حد؟! هل المحافظة عاجزة عن الحل؟! قانونا المدرسة تتاخد من أصحابها بالعافية طالما امتنعت عن أداء رسالتها والمحافظة أو الوزارة يديروها إداريا وتعليميا بلجنة مستقلة.. المسئول اللي مش قادر يحمي الطلبة ويطبق القانون ويحفظ هيبة الدولة يقعد في بيته يا جماعة.. لكن اللي بيحصل ده كارثة تعليمية بامتياز.
