عبير صبري: مفيهاش حاجة لما الطلبة يرقصوا فى حفلات التخرج
كتبت/سعاد حسن
انتقدت الفنانة عبير صبري الهجوم الذي شنه رواد التواصل الإجتماعي على طالب جامعة المنصورة الذي تم إحالته للتحقيق بعد واقعة الرقص في حفل تخرجه
وكتبت عبر صفحتها الشخصية على موقع التواصل الاجتماعى فيس بوك
ايه مشكله ان الطلاب الصغيرين يعملوا حفله التخرج ويرقصوا ويغنوا ويفرحوا ويتصوروا مع بعض دا يوم جميل بالنسبه لهم وبالنسبه للاهل اللي تعبوا وصرفوا وشقيو ليه كل بنت ولا ولد يرقص في الحفله يتعمل له حوار طويل عريض ويتحول لتحقيق ويتقدم فيه شكاوي ؟؟!! هو ايه جو الهم والغم والكأبه وادعاء الفضيله علي العيال ده ماتموتوا انتوا بالغل اللي في قلوبكم وسيبوا العيال الصغيره في حالها تفرح ساعتين تلاته ايه اللي جري وايه علاقه الفرح والرقص في الحفله بالاخلاق الحميده يامدعيين ياافاقين ..ايه الناس المريضه الكئيبه دي اللي عايزه تفرض قوانينها علي شباب حلوين بيفرحوا في لحظه وينضموا ليكم بعد كده متقلقوش..اف علي دا مناخ واف علي دا جو عام
