طالبة تصيب زميلتها بـ 40 غرزة بمدرسة سراي القبة
كتبت/صافي رضوان
شهدت مدرسة سرايا القبة اليوم بعد امتحانات الشهادة الإعدادية حلقة جديدة من مسلسل العنف بين الطلاب الذي انتشر في الأيام القليلة الماضية
حيث أقدمت طالبة علي إصابة طالبة أخري بسلاح أبيض مما ادي الي إصابتها يجرح عميق استلزم 50 غرزة ونشر أحد أولياء الأمور وشاهد على الواقعة عبر صفحته الشخصية بموقع التواصل الإجتماعي فيس بوك
يعني ايه بنت و ولد بلطجية قدام "مدرسة سرايا القبة الإعدادية " يتهجموا علي بنت قبل متدخل امتحانها لسرقة تليفونها ولم تحاول تدافع عن نفسها يضربوها والبنت البلطجية " تعورها بقطر "
ف دماغها وتاخد 50 غرزة ...
البنت البلطجية تهدد كمان زميلتها ال مش هتغششني هعورها بالقطر...
والناس بقت تتفرج وتصور فين الرجاله فين النخوة مبقاش في امان ف البلد ....
خليكوا مسكين ف مدارس التجمع والانترناشونال وسايبين مدارس الحكومة
فين الحكومه يابلد " إدارة الزيتون التعليمية "
كفاية رعب وهلع ف ولادنا وأخواتنا .....
حقك هيرجع ياحبيبتي ومش هنسكت
يعنى ايه عيله ١٥ سنه متجوزه عرفى من سنه ونص عيل بشخه وعملين بلطجيه على الطلاب احنا بقينا في مهزله والناس وقفه تتفرج وسايبين البت تتصفى والمدرسين مبيعملوش حاجه المدرسين سابوااا البنت فى الشارع أمام المدرسه وقفلوا المدرسه
وبالنسبه للناس إللى بتقول انى هى بتتنمر عليها علشان كده ضربتها .... المجنى عليها متعرفهاش واول مره تشوفها اصلا ..
