ريهام سعيد تتهم عبير صبري بالتتمر عليها

كتبت/سعاد حسن 

تحدثت الإعلامية ريهام سعيد عن مرضها والأشخاص الذين وقفوا إلى جانبها وساندوها في محنتها، كما كشفت ايضًا عن سبب خلافها مع الفنانة عبير صبري مشيرة انها جرحتها جرج كبير للغاية.

وقالت ريهام سعيد خلال لقائها ببرنامج «et بالعربي»: «أكتر حاجة أنا كسبتها في الأزمة دي إني في فنانين أنا ما كانش لي دعوة بيهم وبقوا صحابي دلوقتي، وكلهم عندهم أخلاق غير طبيعية، مثل ريهام حجاج، ريهام عبدالغفور، رضوى الشربيني 

كما تحدثت عن سبب خلافها مع عبير صبري قائلة: «أنا بقابل ناس كتير بيشجعوني بيقولولي إنتِ زي القمر، وإنتِ حلوة، ما فيش غير واحدة بس لي جرحتني جرح فظيع ويمكن مش مفروض أقول اسمها، إحنا صحاب اشتغلنا مع بعض، بس هي قابلتنيوقالتلي كلمة ضايقتني اوي، كنت رايحة في حفلة على البحر وشفتها، كنت الوحيدة لي حاطة ماكياج، وإنت عارفة البحر ما ينفعش تحطي ماكياج، فأنا وداخلة مدهونة قالتلي: ما انتِ كويسة اهو، انت دراماكوين وبتحبي تعملي دراما. بعدها سبت الحفلة دي وركبت عربيتي وقعدت أعيّط».

وأضافت: «كنت عايزة أقولها لو تعرفي كم الألم اللي فيّ، ومكتوب في الطب الشرعي اني أنا عندي ستيجماتيزم وإن هو السبب في رمشة العيون، وأنا والله العظيم قبل العملية بيوم ما كانش عندي ستيجماتيزم».
وختمت ريهام سعيد حديثها قائلة: «عبير صبري، بقول اسمها عشان مش عايزة أكلّمها تاني، لأن مش من واجب حدّ إن هو يوقف جنبي، وما فيش حاجة يقدروا يعملوها لي، لكن إن تقُل خيرًا أو تصمت».