رجل الأعمال أشرف السعد: "ابني نصب عليا" ومتابع يرد ذنب الغلابة اللي خدت فلوسهم
كتبت/سعاد حسن
كتب رجل الأعمال أشرف سعد منشور على صفحته الشخصية الرسمية بموقع التواصل الإجتماعي فيس بوك يعلن عن استياؤه من نجله بعد أن تسبب في إهدار أمواله وجاء المنشور كالتالي:
واحد أعطيته مليون جنية لما كان الدولار بثلاث،جنيهات واشتريت له شقة بنصف مليون جنية وكتبتها باسم اختي عشان تجربتي معاه زفت وكل الفلوس اللي خدها قبل كده ضيعها وقلت له المرة دي انا اللي هاستثمر الفلوس وخلال ثلاث سنوات هايبقى معاك على الاقل ميت مليون دولا وكتبت ورقة عند اختي ان الحاجة دي بتاعة ابراهيم وكلمني بعدها بأسبوع وقعد يترجاني ويقولي خلاص انا كبرت وبنتي عندها خمس،سنين وعاوز ابقى كبير قدامها فمن فضلك اديني الفلوس وخلي عمتي تكتب الشقة باسمي وكل الناس قالولي اوعى تسمع كلامه ده مختل عقليا لكن تحت إلحاح شديد منه وبعد أن اقسم إيماناًت مغلظة انه لن يتصرف فى شى قبل الرجوع لي واتفقت معاه يفتح حساب فى البنك وينفذ أوامري وخلال سنتين هاسلمه ميت مليون وفعلا خليت اختي تنقل ملكية الشقة باسمه واعطيته الفلوس فى ايده وكانت الصدمة الكبرى بعد اسبوع باع الشقة بأقل من تمنها وراح البلد وحول مضيفة البيت اللي كان رؤساء وزراء مصر يأتون اليه وسفراء،ووزراء ومحافظين يتوافدون على هذا البيت فراح حوله معرض سيارات مخالفا للقانون واشترى كمية سيارات وبدأ يبيع السيارة بأقل من ثمنها ويقول انا بربي زبون وخلال ستة أشهر بدأ يبيع فى عفش البيت الذي لايقدر بثمن ثم بدأ يبيع شبابيك وارضية البيت حتى الباركية خلعوا وباعه وترك البيت مفيهوش لمبة ولايصلح حتى لحياة الحيوانات وعندما ذهبت إلى مصر ورأيت مافعله كنت اتكلم معه ولا أستطيع النظر الى وجهه وقلت له ارجوك حاول ماتخلنيش اشوفك وده قطر من بحور جرائمه ويعلم الله حاولت كتير اسامحه لم استطيع ولكن كل يوم ادعي ربنا يهديه ويرد له عقله ويتولاه برحمته لانه داخل على نفس الدور بس المرة دي انا قلت لناس فى القرية لو شافوه بيخرب فى البيت أو بدأ يعمل اللي عمله قبل كده يرموه بره البيت لان البيت اصلا بتع ورثة ابي وانا واحد منهم وانا بعتذر لابن اختي عماد عن كل كلمة كذب قالها عنه وانا اقسم بالله العظيم انه لم يقل عنه الا الكذب
تهاتفت التعليقات السلبية على البوست الخاص بـ أشرف سعد وعلق أحد المتابعين
طبعاً لازم يحصلك كدة لأنها فلوس حرام أنت استوليت عليها وسرقتها من أموال المودعين
وعلق عليه أشرف السعد قائلا
ما هي فلوس المودعين كانت حرام عشان كده ضاعت منهم
