ربط فيديو صيد الكلاب في الشارع برغيف الحواووشي يثير الرعب بين المواطنين
كتبت /سعاد حسن
تداول نشطاء مواقع التواصل الاجتماعي مقطع فيديو غامض، يظهر فيه أحد المارة في الشارع، ويحمل في يده كيس كبير من البلاستيك "جوال" ويقوم بصيد أحد الكلاب المتواجدة بشكل كثيف في الشارع، وظهرت إلى جواره إحدى السيدات.
فيديو صيد الكلاب أثار جدلًا واسعًا بين نشطاء مواقع التواصل الاجتماعي، حيث اعتبر البعض أن الرجل الذي يحمل كيس كبير من البلاستيك، وقام باصطياد كلب من الشارع، هو واحدًا ممن يقومون بتقديم لحمه كوجبة في أرغفة "الحواوشي"، لكن آخرين كشفوا السر الحقيقي في اصطياد كلاب الشارع، والأمر لا يتعلق بالأكل، أو أرغفة "الحواوشي".
علق أحمد عبد الرازق على مقطع فيديو صيد الكلاب فقال: " لا كيلو البانيه ولا كيلو اللحمة كفايا خوف من المجتمع خلونا نتكلم عن سعر الحواوشي اللي مش بيزيد.. الفيديو مريب شوية".
وقال نادر روح: "بعيدا عن الهزار أنا عايز أعرف هو عمل كده ليه الفيديو ده ضايقنى جدا"
وردت فاطمة: "الناس دي اللي بتربي زواحف وبتبيعها في سوق الجمعة بيلموا قطط وكلاب وياكلوهالها.. دي حاجة معروفة جدا بتلاقيهم علي جروبات القطط والكلام بيلموا بالأعداد أي حد عارض تبني".
وعلق عاطف سند ساخرًا "والله حماتي كانت زمان بتقول لحم الكلب يقوي القلب واضح إنها كانت صح"
وقالت منى مون: "فيديو مخيف"
وعن سر صيد كلاب الشارع كشفت إيمان العطروني " لا حضرتك ده مديرية الطب البيطري انزل المهندسين هتلاقي الكلاب وأخد علامة ترقيم في الأذن والدكتورة داخلة في الفيديو وساعات كتير بيطعموا ضد السعار".
ورد سامح سمير قائلًا: "واضح من الست اللى ظهرت في آخر الفيديو إنهم شغالين تبع الطب البيطرى الفيديو مالوش علاقه بالحواوشى"
وقال ذي ريال إيجبشن: "الراجل ده بيصطاد الكلاب التعبانه وياخدها يعالجها ويرجعها مكانها تانى قصدى كان بياخدها يعالجها"
وعلق جو سليمان فقال: "ده أكيد حد تبع عيادة أو ملجأ حيوانات وأخد الكلب عشان يتعالج"
