حسام حبيب| شيرين عبدالوهاب عملت حاجة فى بنتها لو الناس عرفتها شيرين هتنتهي عند الناس
كتبت/سعاد حسن
قال حسام حبيب أمام جهات التحقيق: مكنتش أتخيل أبدًا إن خناقة أنا مش طرف فيها، خناقة بينها وبين بنتها، إنها تقول كدا، وأنا هطلب شهادة بنتها وهي عملت في بنتها حاجة لما الناس هتعرفها شيرين هتنتهي عند الناس، لأن اللي يهون عليه ضناه يهون عليه أي حد في الدنيا، ولما شوفت المنظر ده كان لازم آجي وأشيل هنا من تحتها، ولازم أتصرف.
وتابع: اللي مأثر فيا أكتر إني قولت لـ هنا وقولتلها روحي اتكلمي مع مامتك، وجبت الاتنين وقولتلهم يا هنا دي مامتك ولازم تحترميها، وجبت شيرين وقولتلها دي بنتك وخلي كلامك بينكم وبين بعض، وطلعت، لاقتها قفلت الباب بالمفتاح، والباب زجاج، وفضلت أخبط محدش بيفتح، لحد ما شوفت منظر مش قادر أنساه، فكسرت الباب ودخلت أخدت البنت، وكلمت باباها وقولتله لازم تيجي تاخدها، وتيجي بنفسك مش هبعتها مع حد، وأرجوك ابعدها عن الشخصية دي.
