تامر عبدالمنعم يكشف لأول مرة لماذا تقدم فريد الديب للدفاع عن محمد عادل قاتل نيرة أشرف

كتبت /صافي رضوان

كشف الفنان تامر عبد المنعم، تفاصيل جديدة بشأن تبني المحامي الراحل فريد الديب الدفاع عن الطالب محمد عادل قاتل الشابة نيرة أشرف.
 

تعليق فريد الديب علي الهجوم عليه بسبب نيرة أشرف
وأوضح خلال لقائه ببرنامج "في اَي بي" الذي تقدمه الإعلامية أميرة بدر بقناة "هي": "لما تبنى فريد الديب قضية قاتل نيرة أشرف، أنا كلمته وقتها، قال لي: انت هتعمل زي الناس اللى مش فاهمة وطالعة تهاجم، فقلت له: طيب أنا عايز افهم علشان ناس كتير بتسألني".

وتابع: "وانا باكلم الأستاذ فريد الديب كانت قاعدة جنبي بنتي الصغيرة سلمى، وهي اللي اثارت الموضوع، وقالت لي: ناس عمالة تكلمني وتقول لي جدك خد القضية".

وأشار: "فريد الديب قال لي أنا محامي ورجل قانون وما حدث أثناء النطق من الحكم من الدائرة القضائية في القانون اللى انت متعرفوش غلط، والقانون يحاسب عليه، والقاضي مينفعش يفصح عن نواياه، وقال لي: انا هقدم نقض مجاني وبدافع عن القانون وقد يتاخد بالنقض والولد هتتعاد محاكمته وياخد إعدام برضه، وقعد يضحك"

ولفت: "اللى روج لفكرة التعاطف مع محمد عادل هما الإخوان والسلفيين والوهابيين".

وعن الشامتين في وفاة فريد الديب، علق تامر عبد المنعم: "دي مش ناس، والإنسانية لما تنعدم من قلب بني اَدم إنه يشمت في موت، فهذا لا يستحق أن يكون إنسان، الموت ده بتاع ربنا، وبيبقى فجيعة على ناس وخاصة أهل المتوفى، فكون إن حد يطلع يشمت بهذه القذارة ويفكر إنه مخول من ربنا إنك تكون وكيل له في الأرض تبقى انت شخص حقير، ولا تستحق ان تكون إنسانا".