الفنانة سلوي محمد علي "بشتغل عشان أملي التلاجة"

كتبت /صافي رضوان

كشفت الفنانة سلوى محمد علي، رغبتها في اعتزال الفن، مؤكدة أن طريقة تحصيل الضرائب تعجيزية ولا تستطيع تحملها، بجانب الحديث عن انخفاض أجور الممثلين.

وقالت سلوى محمد علي: أنا بفكر في الاعتزال بسبب طريقة تحصيل الضرائب؛ لأنها طريقة تعجيزية وكلها تكنولوجيا، ليه مندفعش الضرائب لـ شركة الإنتاج بدل من تحصيلها منا بشكل مباشر؟ أنا كان نفسي جنازتي تطلع من المسرح وأموت وأنا بمثل ولكن ده كان زمان ومش كل اللي نفسنا فيه بيتحقق.

وواصلت سلوى محمد علي: دلوقتي لو معايا فلوس مش هشتغل، ولكن أنا مضطرة أشتغل في السن ده عشان أملى الثلاجة، وأجورنا نزلت كـ ممثلين مع إننا بنشتغل 36 ساعة متواصلة ومش مليونيرات ولكن دي الصورة الظاهرة للجمهور لأننا بنلمع وبنلبس فساتين وأنا بعذرهم لأن الجمهور عنده ظروف وهناك حالة من الغضب العامة مع أنهم بيحبونا.

وعن الانتقادات التي توجه للفنانين بسبب ملابسهم في المهرجانات قالت سلوي محمد علي الست اللي بتشتمني وبتشتم الفنانات لما بيلبسوا عريان في المهرجانات الفنية بيكون نفسها تلبس فساتين زينا وعندها كبت، وأنا بعذر الجمهور مش فاهم أننا بنعاني وبيشوفنا بنلمع وبس، مع إننا بنقترض الفساتين مش بنشتريها.

وسبق وكتبت سلوى محمد علي عبر حسابها بموقع فيسبوك: أبحث عن وظيفة غير التمثيل علشان الضرائب طالبة مني طلبات مش فاهماها وتفاصيل ماعرفهاش ووقت مش عندي، في معظم الدول المتقدمة الضرائب بترسل للممول اللي هو أنا مطلوب منه كام مع كشف بداخله وهو يسدد.

ومن ناحية أخرى، تعيش سلوى محمد علي حالة من النشاط على المستوى الفني، حيث قدمت العديد من الأعمال الفنية التي حققت نجاحا كبيرا، كان آخرها مسلسل أنا وهي بالتعاون مع أشرف عبد الباقي، هنا الزاهد، وأحمد حاتم، ومسلسل النزوة مع خالد النبوي