البلوجلر داليا محسن بعد تعرضها التنمر"مش ذنبي إني كفيفة"
كتبت/سعاد حسن
تعرضت البلوجلر داليا محسن لحملة تنمر شديدة من بعض المتابعين على السوشيال ميديا بعد نشرها فيديو لها وهي تغني وترقص إحتفالا بحفل زفاف شقيقها ،حيث علق البعض على الفيديو وشبهوها بـ" الإنسان الآلي "
وفي أول رد فعل لها علقت داليا محسن على حملة التنمر التي تعرضت لها قائلة:
جماعة ممكن اسألكم سؤال هو أنا مضايقاكم في ايه للدرجة دي؟واحدة يوم فرح اخوها كانت لابسة حلو ومتشيكة وحاطة ميكب قالت تعمل تيك توك بكل تلقائية ايه الغلط في كدة؟ اه يا جماعة أنا كفيفة علشان كده ممكن حركاتي تطلع طبيعية وتلقائية ليه كل التنمر ده والتريقة على حركاتي حسبي الله ونعم الوكيل فيكم بحق ما نمت امبارح عايطة وزعلانة بسبب كلامكم السم بجد أنا مش لاقية حاجة أقولها بس مش مسامحة اي حد بيشير الفيديو لمجرد انه يلم كومنتات تريقة على حسابي
نفسي اعرف احنى ناقصنا ايه علشان نكون ناس طبيعية ونجرب نعمل زيكم
طب تعرفوا بقى احنا والله أحسن منكم كفاية قلبنا الأبيض اللي مش بيقول كلمة وحشة ولا بيتنمر على حد حسبي الله ونعم الوكيل فيكم انا بجد قلبي مقهور من الكمنتات اول مرة أتوجع كدة
