أول تعليق من محمد رمضان على واقعة صفع أحد المعجبين على وجهه

كتبت/سعاد حسن 

أثار الفيديو المتداول للفنان محمد رمضان منذ ثلاثة أيام في الساحل الشمالي أثناء صفعه لأحد المعجبين جدلا واسعا خاصتا أنه جاء تزامناً مع أزمة الهضبة عمرو دياب 

وفي أول تعليق له خرج محمد رمضان في بث مباشر جاء فيه 

#محمد_رمضان يعتذر عن الصفعة: "دى لا رجولة ولا بطولة والواد جاي من اللوتس لمراسي يتفسح ورفضت اعمله محضر"

 وعلق رمضان على أزمة الصفعة: "الجمهور العدل، الأصيل، الغالي ألف شكر، وربنا مايحرمنيش منكم على وقفتكم معايا ومساندتكم وقرأت وسمعت قد ايه دافعتوا عني، وقد ايه غلطتوا الولد الصغير، ولكن الفيديو ده برضه عامله عشان أعترف الخطأ وأعتذر لأهل الولد الصغير اللي أنا إيدي اتمدت عليه وأنا عارف أنه عيل صغير".

واستكمل: "وهو لما غلط في الأول قلعتوا الكاب وبصيت في وشه لقيته عيل صغير قلت له اسمك ايه يا حبيبي؟، وسيبته ومشيت ولما رجع غلط تاني لفيت قلت له هات التليفون خباه ومتملكتش نفسي وضربته قلم بسيط، القلم البسيط ده طير له الكاب من على راسه والنضارة اللي كان لابسها، ولو اعتبر النموسة اللي وقفت على خدي قلم فأنا أستاهل من النموسة دي خمسة علشان أنا مديت أيدي على عيل صغير، ودي لا رجولة ولا بطولة ولكن أنا لم أتمالك نفسي ودي الغلطة اللي أنا طالع أعتذر عنها".

وأنهى حديثه وقال: "لما أخدت تليفونه ومسحت الفيديو حد قالي اكسر له التليفون عشان ميعملش كده تاني، قولت له طب هو غلط أبوه وأمه ذنبهم ايه يغرموا تمن تليفون تاني خاصة أني عرفت أنه من قرية اللوتس وجاي يتفسح في مراسي، قلت لهم روحوه، الأمن قالي هنعمله محضر عشان، قولت لهم يروح بعد أذنكم".