أزمة التسريبات الصوتية لـ حسام حبيب تشعل الأزمة بينه وبين عائلة شيرين عبدالوهاب

كتبت/سعاد حسن 

انتشرت في الساعات الماضية تسريب صوتي لـ حسام حبيب 

تحدث عن عائلة شيرين عبد الوهاب قال إنه لا يشرفه بأن تكون هذه العائلة عائلته، ووصفهم بظالمين لابنتهم وقال في التسجيل الصوتي المتداول: "الأغاني خلصانة وزي الفل وتحفة بس هي مش في المود ده من كتر اللي بيتعمل فيها من أهلها، هي مش هتطلع تتكلم عنهم لأنهم أهلها، لكن أنا قررت أتكلم لأن دول مش أهلي ولا يشرفني إنهم يكونوا أهلي، دول ناس ظلموها باعوا السوشيال ميديا بتاعتها متخيل؟".

 وأضاف حسام حبيب: "استولوا على بيوتها وعلى فلوسها وعلى طاقتها، مش هقدر أقول عملوا فيها إيه، قابلوا الإحساس ظلم، أخوها تعدى عليها في غرفة نومها وضربها بسلاح، أنتوا ما تعرفوش حاجة، تهديدات ٢٤ ساعة، حرام ولا غلطة من دول هي ليها فيها يد.. 

حقها تاخد علاج وتتخن وحقها عليكم تصبروا عليها، الصبر الجميل وبشر الصابرين إذا صبروا، وأنا بقولك الأغاني خلصانة بس هي في حالة أنتوا مش فاهمينها.. منتهى الظلم أقرب الناس ليك هو اللي بيد بح.. الله يكون في عونها ويوقفها على رجليها، أدوها مساحتها.

لو مش أنتوا اللى مش هتصبروا عليها مين هيصبر عليها.. قولولها حتى لو بطلتي تغني هنفضل نحبك وشوفوا هيحصل فيها إيه.. أنا أقرب واحد ليها وعارف شخصيتها وعارف نفسيتها".

ومن جانبه علق شقيق شيرين عبد الوهاب على هذا التسجيل الصوتي في بيان رسمي جاء فيه 

توضيح بشأن التسجيل الصوتي المنتشر علي وسائل التواصل الاجتماعي. 

اولا: انه سيتم اللجوء للقضاء و اتخاذ الاجراءات القانونية تجاه من نشر تلك الاكاذيب و التي تطال من سمعة ونزاهة من شملهم التسجيل الصوتي. 

ثانيا: صاحب التسجيل الصوتي، ايا كان شخصه، يتعمد تناول الشأن الداخلي لأسرتنا من اجل دوافع مغرضة. 

ثالثا: دون الخوض في تفاصيل، جميع الاتهامات و محاولات التشهير الواردة بالرسالة الصوتية سبق تناولها جميعا في ساحات القضاء و ثبت بما لا يدع مجالا للشك كذب تلك الافتراءات و عدم مصداقياتها سواء فيما يخص حياتها الشخصية وحياتها العملية. 

رابعا: نهيب بالسادة رواد وسائل التواصل الاجتماعي المهتمين بهذا الشأن عدم تداول ذلك التسجيل الصوتي او اعادة نشره حفاظا علي سمعة من شملهم التسجيل و لتجنب المساءلة القانونية.