والد الطالبة ملك ياسر ينعيها بكلمات مؤثرة بعد وفاتها في حادث أليم

كتبت/سعاد حسن 

سيطرت حالة من الحزن الشديد على أهالي مدينة بنها محافظة القليوبية بعد وفاة الطالبة ملك ياسر طالبة بالصف الثاني الاعدادي بمدرسة الشبان المسلمين في بنها والتي لقيت مصرعها اختناقا بعد استنشاق كمية كبيرة من بخار الماء داخل الحمام 

تحولت صفحات التواصل الاجتماعي إلى دفتر عزاء كبير ينعون فيه الفقيد ويدعون لذويها بالصبر والسلوان 

ونعاها والدها بكلمات مؤثرة على صفحته الشخصية بموقع التواصل الإجتماعي فيس بوك جاء فيها 

صباح الخير يا أجمل ما خلق الله صباح الخير يا ملاك روحي اتوقع انك مش فاضية تردي عليا من انبهارك بمكانك الجديد وفرحتك بلقاء الله. ربنا يسعدك هناك مع كل الأنبياء والصديقين والشهداء والحبايب الطيبين اذكريني عند ربك فهو رحيم وغفور واحن علينا من كل الدنيا قلبي يعتصر ألم من الفراق وعيوني لم تتوقف دموعها مش شدة الفرح بيكي وبما انتي فيه. اوعي تفتكري اني تركتك لا ربك طلبك عنده وما نقدر نقول الا ما يرضي الله إنا له وأنا اليه راجعون انتظريني ما هتأخر كتير عليكي تكوني عملتي جو الفرح والبهجة بتاعك وحتي تكوني شبعتي من كل الحبايب. مش عارف اقولك ايه بس في حاجه واحدة مسيطرة علي عقلي ونفسي ووجداني انك مبسوطة وطايره من الفرح عندك وده كل اللي اتمناه لكي يا روح الروح والقلب. اه نسيت اقولك هو انتي عملتي ايه في كل الناس قبل ما تمشي الدنيا كلها انقلبت عليكي لما مشيتي اللي يعرفك واللي ما يعرفك كله زعل عليكي ماذا بينك وبين الله حتي يبعث كل الحب ده في قلوب الناس بس اي حد بيقول انه زعلان عليكي بقوله ما تزعل بنتي كان عرسها في الجنه امبارح كل الأنبياء والصالحين والشهداء حضروا احتفوا بيكي امبارح. بقولك ابقي زوري مايا وطمنيها عليكي علشان البنت بتحبك اوووي. ادعيلي اني ما اتأخر عليكي لان بجد اخذتي كل حاجه حلوه معك.