والدة مسلم: أنا أبنى عاق وشحت عليه عشان اربيه
كتبت/سعاد حسن
خرجت والدة مطرب المهرجانات مسلم لتفتح النيران على نجلها، وذلك في فيديو منتشر على مواقع التواصل وموقع الفيديوهات القصيرة تيك توك، مشيرة إلى أنه بعث لها رسالة "غوري من حياتي".
وقالت والدة مسلم في فيديو متداول رصده موقع تحيا مصر: انا جاية اكلمكم عن الفنان اللي انتو بتحبوه مسلم ومفكرين سائله
سائله أهله وناسه، أهله بعيد عنه وأخواته بعيد عنه وأمه ست غلبانة شغالة في المنشية وشقت وتعبت عليه وشحتت عشانه مش بيسأل فيها وهو عارف انها عيانة ومتبدلة ولا بيسأل ولا فيا ولا في أخواته.
وتابعت والدة مسلم: ابني عاق.. بعتلي يقولي غوري من حياتي وبيهين أخوه الكبير قدام الفرقة مش عارفة أقول عن البني آدم الحقير ده أي.
واستكملت والدة مسلم: شحت عليه عشان اربيه وكل اللي فيه ده أنا السبب فيه وأما بقى نجم مش بيسأل فيا وبيشتم أخته عشان بت اسمها يارا بتبات معاه وبتلف معاه في الشوارع وبتقولي انا أبويا وأمي عارفين، ومصاحب واحد زبالة وأنا ابني صغير ماشي وراه بيجيب نسوان وحاجة مقرفة.
وكانت قد انتشرت منذ قليل أنباء تفيد بدخول والدته العناية المركزة وذلك بعد تعرضها لوعكة صحية شديدة منذ أيام، ورفض مسلم زيارة والدته وهي في العناية المركزة، مشيرا إلى أنه مشغول في الفترة الحالية وسيقوم بالتواصل معها هاتفيا، الأمر الذي أحدث ضجة كبيرة على مواقع التواصل الاجتماعي المختلفة، وبدأ العديد من الجمهور في مهاجمة مسلم.
