معلمة بالمرحلة الابتدائية: أنا اتنصب عليا من واحد معندوش ضمير عشان كنت عايزة اتجوز

كتبت/صافي رضوان 

عندما يعجز الإنسان عن إيجاد حل لمشكلة ما تواجهه ،يمكنه أن يرتكب بعض الأخطاء في حق نفسه دون أن يشعر وهو تحت تأثير ضغوط نفسية سببته له تلك المشكلة 

وهذا ما حدث مع فتاة في العقد الثالث من العمر تعمل مدرسة باحدي مدارس المرحلة الإبتدائية 

وفي إتصال هاتفي لها مع الاعلامية لمياء فهمي عبد الحميد في برنامج الدنيا بخير المذاع على قناة الحياة صرحت قائلة 

- انا عندي 37 سنة بشتغل مدرسة ابتدائي
كل السنين دي محدش اتقدم لي او حتى حاول يرتبط بيا
رغم ان الحمد لله شكلي كويس وبتقي الله في كل تصرفاتي
كل اصحابي وقرايبي اتجوزوا وبقى عندهم اطفال
اهلي وعيلتي ابتدوا يتعاملوا معايا على اني ناقصني حاجة وكنت بشوف الشفقة في عينهم

ده خلاني ادخل على تطبيق من تطبيقات الجواز وحطيت صورتي ومواصفاتي من غير ما حد من عيلتي يعرف
بالفعل اتقدم لي شاب وجه لاهلي واتفق معاهم على ان اهله هييجوا خلال شهر لان والدته مريضة 

بعدها باسبوع لقيته بيقول لي ان الخطوبة هتتأخر شوية لانه شاري شقة بالقسط ومطلوب منه 40 الف جنيه لازم يدفعهم والا الشقة هتضيع منه وكده مش هيقدر طبعا يجيب اهله ويتقدم لانه مش هيبقى معاه فلوس للشبكة

بقى خوفي انه يضيع مني والحلم اللي ابتديت اعيشه حسيته بيروح
قلت له تعالى في معادك وانا هتصرف لك في الفلوس
كنت شايلة من شغلي 50 الف جنيه اساعد بيها اهلي في جهازي.. حولت له الفلوس بدون علم اهلي

بعدها اختفى تماما واتقفل تليفونه ... من ساعتها عندي صدمة وحاسة ان حياتي انتهت
بكتب ليكم علشان احذر كل بنت من التواصل مع اي تطبيق موجود على الانترنت وادعوا لي ربنا يعوضني خير بعد كل اللي حصل لي.