مشاهير الطبخ على السوشيال ميديا في ورطة بسبب الزبدة المغشوشة
كتبت/سعاد حسن
حالة كبيرة من الجدل سادت على مواقع التواصل الاجتماعي فى الأيام القليلة الماضية ،بعد تداول رواد التواصل الإجتماعي مقاطع فيديو لمشاهير الطبخ على السوشيال ميديا وهم في حالة إنهيار
ظهر البعض منهن في مقاطع الفيديو وهن يلمحن لوجود خلاف بين بعضهم البعض
وخرجت الشيف الشهيرة لـ .أ وهى في حالة إنهيار تتهم في مقطع فيديو الشيف س.س بأنها تنمرت عليها بسبب إصابتها بمرض السرطان
وصرحت فى مقطع الفيديو أنها ستقوم بالسفر إلى الأراضي المقدسة خصيصاً لأداء فريضة العمرة كى تدعى عليها من أمام الكعبة
وظهرت ه. م وهى في حالة أعياء من داخل إحدى المستشفيات ،كما ظهرت س. س وهى في حالة إنهيار وتؤكد أن صفحتها قد تم اختراقها
وفى الوقت نفسه صرحت مصادر مقربة منهن أن سبب الخلافات هو فضيحة الزبدة المغشوشة التى قامت بعضهن بعمل حملة ترويجية لها
وذلك بعد ظهور عدد كبير من الشكاوى على مواقع التواصل من سوء الزبدة بعد أن قامت بعض السيدات بشرائها بناءا على نصيحة مشاهير الطبخ
وكتبت إحدى السيدات علي صفحتها الشخصية بموقع التواصل الاجتماعي فيس بوك
للأسف أختي وقعت في مقلب الزبدة المضروبة االي كانوا مغرقين بيها اعلانات على السوشيال واكيد غيرها كتير وقعوا في نفس المقلب و بصراحة لما انا دوقت منها قولتلها ان طعمها مش حلو حتى المورتة طعمها ما عجبتني وقولتلها بلاش تجيبي منها تاني دي وهي مصدقة البلوجرات والشيفات اللي كانوا بيعملوا اعلانات ودعاية للسمنة والزبدة دي وبيقولوا عليها ما حصلتش وعلشان كانت متابعة ناس منهم ووثقه فيهم وكمان علشان رخيصة وان عليها عروض .. اهي طلعت فعلا ما حصلتش.. قال ويقولولك لو ماعجبتكش ماتدفعش !!
علشان يا جماعة بعد كده مانصدقش اي حد مسمي نفسه بلوجر او حتى شيف بيتحول لبلوجر ويعمل اعلانات كل دول بياخدوا فلوس كتير وبيفكروا في مصلحتهم بس ومش مهم ولا يفرق معاهم اي متابع ليهم ولا حتى الناس اللي بتتفرج عليهم .. وبقت مهنة من لا مهنة له.. وبصراحة احنا مش محتاجين حد يدوق لنا ويعرفنا رأي سيادته او سيادتها لأنهم باختصار غير مؤهلين لده.. دي مهنة ليها دراسة وشهادات معترف بيها برة لكن اللي بيحصل هنا ده سمك لبن تمر هندي.. والناس بتصدقهم وتثق في رأيهم علشان الشو اللي بيعملوه.. والناس بتمشي وراهم
