محمد هنيدي: كنت هعمل دور عمر الشريف في فيلم إشاعة حب

كتبت/سعاد حسن 

قال الفنان محمد هنيدي: "عشت رحلة معاناة 15 عامًا قبل فيلم إسماعيلية رايح جاي، أي قبل النجومية وأحلامي كانت بسيطة للغاية في البداية يمكن كانت شقة صغيرة لكن ربنا لما بيدي بيبهر".

وأضاف خلال لقائه ببرنامج "بيت السعد" الذي يقدمه أحمد سعد وعمرو سعد بقناة "إم بي سي 1": "في بداية مشواري الفني اترفضت كتير في الشغل، ومرة اشتركت في عمل وصورت يوم واكتشفت إن مش هينفع أقدم نفسي في العمل واعتذرت وعملوا لي مشاكل بس مشيت".

ولفت محمد هنيدي: "كان عندي عربية صغيرة بس ما كنش فيها تكييف، والدنيا وقتها كانت حر، وبعدين مسلسل تيمون وبومبا قلت لهم كويس أوي هتعطوني كام قالوا لي 10 آلاف جنيه وافقت واشترطت إني أعمل الشغل الـ30 حلقة في 10 أيام وأخدت أول 10 آلاف جنيه علشان أجيب عربية بتكييف".

وتابع: "واحنا بنعرض مسرحية ألابندا في مسرح الفردوس قررت أروح بالعربية الجديدة فرحًا بالتكييف وفي طريقي تعرضت لحادث والعربية اتفعصت من أتوبيسين وأنا جواها، وقتها أستاذ عصام إمام كان بيلطم بسبب المشهد، ودي كانت أهم 10 آلاف جنيه أخدتهم وصرفتهم في عربية كانت منظورة".

وقال محمد هنيدي في برنامج بيت السعد: بعد فيلم رمضان مبروك أبو العلمين حمودة، عماد أديب قالي هنعمل إشاعة حب الجزء التاني، وأنا كنت هعمل شخصية عمر الشريف

وتحدث محمد هنيدي خلال لقائه عن الفرق بين سكان المناطق الشعبية وسكان الكمبوندات قائلًا: كلهم ناس، وكلنا عايشين، بس الفرق إن المناطق الشعبية فيها التحام بين الناس، اللي يطبخ أكلة لازم ينزل لجاره،