في اليوم العالمي للصحة النفسية :نبيلة مكرم مواقع التواصل الإجتماعى سبب رئيسي من أسباب المرض النفسي
نبيلة مكرم :مواقع التواصل الاجتماعى سبب رئيسي من أسباب المرض النفسي
كتبت /نور محمد
يحتفل العالم اليوم 10 أكتوبر باليوم العالمي للصحة النفسية وبالتزامن مع هذه المناسبة قامت الدكتورة نبيلة مكرم وزيرة شؤون الهجرة والمصريين في الخارج سابقا بإعلان تعاطفها مع المريض النفسي وكتبت عبر صفحتها الشخصية الرسمية بموقع التواصل الاجتماعي فيس بوك
فى اليوم العالمى للصحه النفسية
فاهم يعنى إيه إن المرض النفسى زيه زى أى مرض عضوى؟
مش حاجه عيب ولا غلط.
فاهم يعنى إيه إن المريض النفسى عايش فى وسطنا بس بيعافر لوحده؟ مش هو اللى مقطع هدومه وبيجرى فى الشوارع.
فاهم يعنى إيه إن مواقع التواصل الإجتماعي ممكن تأثر على نفسيه شبابنا؟ ما تستهونش بدورها فى حالات الاكتئاب.
فاهم يعنى إيه إنك لازم تطلب المساعدة من أطباء نفسيين ومتخصصين؟ مافيهاش كسوف ولا إحراج.
فاهم يعنى إيه تبقى الأسره عارفه تتعامل مع المرض النفسى؟ ما تبقاش لوحدها دون وعى وإرشاد.
أنا ابتديت أفهم..
لكل مريض نفسى: إتكلم ماتخافش، مرضك لا يعكس شخصيتك أنت محتاج علاج واحتواء.
لكل أم: انتى مش لوحدك ومش السبب..كملى للآخر.
وللمجتمع: رفقا بالمرضى النفسيين وربنا يحفظ الجميع.
