شريف إدريس يعلن عن آخر تطورات حالته الصحية
كتبت/سعاد حسن
كشف الفنان شريف إدريس عن آخر تطورات حالته الصحية بعد أن مر بأزمة صحية مفاجئة نقل على اثرها إلي أحدي المستشفيات بالقاهرة
وكتب عبر صفحته الشخصية الرسمية بموقع التواصل الإجتماعي فيس بوك:
صباح الخير..شكرا من قلبي لكل الحبايب اللي بيحاولو يتطمنو عليا من امبارح..وبعتذر عن عدم ردي.
بإختصار شديد بقالي فتره ضهري تاعبني ومأثر علي رجلي لأن عندي انزلاق غضروفي في الفقرات القطنيه وأهملته..وكنت بستحمل وماشي بمسكنات..إمبارح كنت بجيب حاجات للبيت مع مراتي وبدأت اتعب بشكل غير طبيعي وفجأه حصلي تخشب تام في الجزء السفلي مع كل انواع الألم اللي ممكن تتخيلوه..وحاولت اتحمل واخد مسكن لكن الوضع تحول اني في لحظة حسيت ان ضهري هيتكسر حرفياً وألم في جميع اطراف رجليا الاتنين ودموعي نزلت من كتر الألم حقيقي..روحت مستشفي وادي النيل اللي بشكر كل طاقم الطوارئ فيها..عملو اشعه مبدأيه الدكتور قالي انا كنت هدخلك تعمل رنين بس من اللي شايفه من الأشعه مش هينفع ومش هتقدر تستحمل حتي جهاز الرنين ووراني شكل عضلات ضهري وهي تشنج حرفيا ..علقولي محاليل مسكنات وكتبلي ادويه امشي عليها لمدة خمس ايام راحه تامه..وبعد كده اعمل رنين وابدأ رحلة علاج..بس بأمانه انا شفت وحسيت بألم لا يمكن وصفه نتيجة التهاب حاد في الأعصاب ..الحمد لله علي كل شئ ..بشكركم جميعا
الفنان شريف إدريس من مواليد 1982 بدأ مسيرته الفنية طفلا وكان أول ظهور له في فيلم "كل هذا الحب"بطولة نور الشريف وليلي علوي
