خطيبة هيثم أحمد ذكي ترد على تصريحات حورية فرغلي

كتبت/سعاد حسن

ردت إنجي سلامة، خطيبة الفنان الراحل هيثم أحمد زكي، على تصريحات الفنانة حورية فرغلي حول علاقتها بالراحل، والتي زعمت أن الراحل توفى وهو يحمل مشاعر تجاهها، على الرغم من ارتباطه وخطبته لـ إنجي سلامة.

وقالت : هي عايزة تعمل تريند ومشاهدات على حساب شخص متوفى، ومكنتش تجرؤ تقول أي كلام من اللي قالته وهو عايش.

وأضافت خطيبة الراحل هيثم أحمد زكي: كل شوية تتكلم في الموضوع علشان فاكرة إن مفيش حد هيكدبها ولا يسكتها! وعيب والطريقة دي ملهاش علاقة لا بأخلاق ولا بـ دين إنه تقول كلام مش حلو على شخص متوفى.

وأردفت إنجي سلامة موجهة رسالة لـ حورية فرغلي: أحسن لها تركز في شغلها علشان لما يستضيفوها في برنامج تلاقي حاجة تتكلم عليها غير هيثم الله يرحمه.

وسبق وأن تحدثت الفنانة حورية فرغلي، عن علاقتها بالفنان الراحل هيثم أحمد زكي، وقالت في حوارها مع الإعلامية إنجي علي، في برنامج أسرار النجوم: أنا قابلت هيثم أحمد زكي عند الأستاذ خالد يوسف لما كنا بنعمل فيلم كف القمر، وأنا أكبر منه بـ 6 سنين وكنا أصحاب ودخلت بيته، الهدوء اللي فيه متقوليش إن في حد ساكن في البيت ده.

واستكملت حورية فرغلي: وأنا حبيته جدًا وميلت ليه في وقت من الأوقات، ولكن هو كان غيورا جدًا، علاقتي بـ هيثم أحمد زكي انتهت وإحنا بنصور دوران شبرا، والدة الفنان هاني عادل توفيت وكنت بعزيه، راح هيثم جابني من شعري وضربني وشتمني وقالي يا طنط، قولتله أنت علمتني ماعرفش حد أصغر مني بيوم.