"أب"ينعي ابنه بكلمات مؤثرة بعد وفاته في حادث أليم
كتبت/سعاد حسن
بكلمات مؤثرة نعا أب نجله الذي توفي متأثرا بإصابته في حادث أليم بعد يومين من محاولات الأطباء لإنقاذه وهو يرقد في العناية المركزة
ونشر الأب صورة له مع ابنه وعلق عليها قائلا:
الحمد لله علي كل شئ.
إبني عمر توفاه الله بعد يومين في العناية المركزة بعد ما عمل حادثة كبيرة بالموتوسيكل بتاعه.
19 سنةربنا كرمني و أنعم عليا اني استمتع بوجود عمر إبني في حياتنا هو و اخواته الاكبر نور و ندا.
من ساعة ما إتولد و هو بيبي، كان بيرفس من الفرحة لما يشوفني و لما كنت أشيله، علشان كده اسم الدلع بتاعه كان "كيكو".
عمر أو "كيكو" نور أسرتنا و حياتنا و ملاها بشخصيته الجميلة
عمر كان إبن و شاب جميل جدا و راح عند الخالق الغفور الرحيم و تبقي سيرته الطيبة اللي هتفضل معانا الي ان نلقاه عند رب كريم.
لا أراكم الله مكروه في عزيز او غالي و نسألكم الدعاء ل عمر بالرحمة و المغفرة.
هتوحشني يا "كيكو" الله يرحمك و يحسن إليك و يجعل مثواك الجنة بإذنه تعالي و يصبرنا علي فراقك..
