راندا البحيري تعلن عن اختفاء ريهام سعيد في لبنان
أثارت الإعلامية ريهام سعيد جدلا كبيرا في الساعات الأخيرة على مواقع التواصل الإجتماعي بعد أن ارسلت رسالة استغاثة فور وصولها إلى لبنان تؤكد فيها أن الدكتور ايلي صعب استخدم نفوذه لمنعها دخول لبنان وحضور جلسة المحاكمة في القضية التي رفعتها ريهام سعيد ضده تتهمه فيها بتشويه وجها
واكدت الفنانة راندا البحيري على صفحتها الشخصية بموقع التواصل الإجتماعي فيس بوك أن ريهام سعيد اختفت تماما بعد هذه الاستغاثة وكتبت:
مواطنه مصريه تم تشويه وشها من قِبَل شخص
رفعت قضايا عليه بعد ما نزل صوره مشوهه ليها من غير ما ياخد إذن كتابي بنزول الصوره و كمان هي طلعت و قالت انها مكانتش صورتها قبل .. استعان بصورة واحده ست تانيه
يعني اول اكشن اتاخد في الموضوع ده ان هو اللي نزل صورها و اتكلم عن عملية فاشله و قال عليها انها انجح عمليه فطبيعي انت لو مكانها هتتغاظ جدا و هتطلع تتكلم عن حقك
بعدها سلكت المسلك القانوني و حاولت تاخد حقها بالقانون سواء في بلدها او في بلدة
و كانت شجاعه و بنت بلد زي المصريين كلهم و راحت سافرت بنفسها علشان تحضر جلستها
وصلت المطار و بعدها نزلت بوست قالت فيه ان هي اتحجزت و بعدها تليفونها اتقفل و هي دلوقتي متغيبه و منعرفش حاجه عنها بقالنا يومين
ممكن حد يطمننا علي ريهام_سعيد
متضامنه_مع_ريهام_سعيد
فعلوا يا جماعه الهاشتاج ده و نزلوا بوستات
الست دي عملت في حياتها خير كتير تستاهل النهارده اننا نقف جنبها
